Эсәр һыуың таҙа булһын

“Таҙа һыу” милли проекты буйынса Башҡортостанда 25 объект төҙөлгән һәм эксплуатацияға индерелгән.

#миллипроект #нацпроект #национальныепроектыБашкортостан

2019 – 2024 йылдарҙа Башҡортостан Республикаһы “Торлаҡ һәм ҡала мөхите” милли проектының “Таҙа һыу” федераль проектын тормошҡа ашырыуҙа ҡатнашты.  Эсәр һыу сифатын яҡшыртыу сараларын бойомға ашырыуға 4 235 миллион һум аҡса йүнәлтелгән, тип хәбәр итә  БР Торлаҡ-коммуналь хужалыҡ министрлығының матбуғат хеҙмәте.

Был аҡсаға 25 объект төҙөлгән һәм эксплуатацияға индерелгән. Үткән йылда Әбйәлил, Ҡыйғы, Шишмә, Хәйбулла райондарында, Бөрө, Туймазы, Октябрьский, Стәрлетамаҡ ҡалаларында һигеҙ эсәр һыу менән тәьмин итеү объекты эшләй башлаған.

“Таҙа һыу” федераль проектын тормошҡа ашырыу осоронда федераль үҙәк билдәләгән күрһәткестәргә һәм маҡсаттарға ирешелгән. Халыҡтың сифатлы эсәр һыу менән тәьмин ителеүе 87,6 проценттан 90,97 процентҡа тиклем күтәрелгән.  

Әле Башҡортостан сәскәләре ҡасабаһында төҙөлөш 85 процентҡа әҙер. Шулай уҡ Кушнаренко районында ла төҙөлөш эштәре бара, әҙерлеге 95 процент тәшкил итә.  

2025 йылдан Башҡортостан Торлаҡ-коммуналь хужалыҡ министрлығы ҡала мөхитен яҡшыртыу, төҙөлөш һәм коммуналь инфраструктура объекттарына капиталь ремонт үткәреү буйынса эштәрҙе яңы “Тормош өсөн инфраструктура” милли проекты сиктәрендә дауам итә.

Фото һәм сығанаҡ –  https://contenta.info/press_releases/937201#scroll.