Һәр кем еңеүгә ынтыла

Балаҡатай районында хеҙмәт коллективтары араһында өҫтәл теннисы буйынса ярыштар үтте.

#миллипроект #нацпроект #национальныепроектыБашкортостан

 “Демография” милли проектының “Спорт – йәшәү нормаһы” федераль проектын тормошҡа ашырыу сиктәрендә “Союз-2024” хеҙмәт коллективтары спартакиадаһының IV этабы үтте, тип хәбәр итә Балаҡатай районы хакимиәтенең мәғлүмәт-аналитика бүлеге. Командалар өҫтәл теннисы буйынса ярыша.

Яңы Балаҡатай ауылының 1-се мәктәбендә үткән ярышта туғыҙ ойошманан һәм предприятиенан командалар ҡатнаша. Сарала ҡатнашыусылар оҫталығын, сослоғон күрһәтә, һәр кем еңеү өсөн килгән.

Тәүге урынды Балаҡатай үҙәк район дауаханаһы яулай. Икенсе урынға Яңы Балаҡатай ауылының 1-се урта мәктәбе сыға. Өсөнсө урынды Яңы Балаҡатай ауылының Дыуан күп профилле колледжы филиалы ала.

Спортсылар ҙа, тамашасылар ҙа уйындан бик ҡәнәғәт ҡала, яҡшы кәйеф менән таралыша. Еңеүселәргә бүләктәр тапшырыла.

“Командалар еңеүгә ынтыла. Һәр уйындың һөҙөмтәһе дөйөм команда иҫәбенә йоғонто яһай, шуға ла һәр ҡатнашыусы бөтә көсөнә тырыша, иң юғары балл алырға ынтыла”, – ти район хакимиәтенең йәштәр сәйәсәте һәм спорт буйынса секторы етәксеһе Гөлназ Литвинова.

Фото һәм сығанаҡ – https://contenta.info/press_releases/903849#scroll.