“Алға, Рәсәй!”

Нефтекамала патриотик концерт үтте.

#миллипроект #нацпроект #национальныепроектыБашкортостан

Нефтекама балалар музыка мәктәбендә вокаль-хор бүлегендә шөғөлләнгән балалар һәм уҡытыусылар ҡатнашлығында үткән “Алға, Рәсәй!” тип аталған концерт махсус хәрби операцияла ҡатнашыусыларға ярҙам күрһәтеү өсөн ойошторола. Ул “Мәҙәниәт” милли проекты һәм “Рәсәй Федерацияһы граждандарын патриотик тәрбиәләү” федераль проекты сиктәрендә үткәрелә.

Тамашасылар күп йыйыла. Балалар, ата-әсәләре, олатай-өләсәйҙәре, уҡытыусылар Тыуған ерен һаҡлаған һалдаттарыбыҙға рәхмәтен белдерер өсөн килгән.

Сәхнәнән Тыуған ил, Ватан тураһында матур һүҙҙәр, йырҙар, көйҙәр ағыла. Һәр ижади номерҙа тыуған төйәк өсөн ғорурлыҡ һүҙе яңғырай. Һәр кем лайыҡлы киләсәк өсөн үткәндәргә һаҡсыл ҡарарға кәрәклеген аңлай.

– Хәҙер патриотик тәрбиә айырыуса мөһим. Концерт күңелдең иң нескә ҡылдарын тартты. Еңел булмаған ошо осорҙа беҙ айырыуса берҙәм булырға, яугирҙәребеҙгә һүҙ менән дә, эшебеҙ менән дә ярҙам итергә тейешбеҙ. Концерт өсөн алған аҡсаға мәктәп кәрәкле әйберҙәр һатып алып, МХО-ға гуманитар ярҙам ебәрә. Яугирҙәребеҙ беҙҙең хәстәрлекте тойһон, – ти балалар музыка мәктәбе директоры Эльвира Махатаева.

Фото һәм сығанаҡ – https://contenta.info/press_releases/899648#scroll.