Башҡортостанда алты йылда 1700 саҡрым юл ремонтланған

Республика юлдарында 1750 фотовидеофиксация камераһы эшләй.

#миллипроект #нацпроект #национальныепроектыБашкортостан

Башҡортостанда “Хәүефһеҙ сифатлы юлдар” милли проекты буйынса алты йыл эсендә 1700 саҡрым юлда һәм 1500 погон метр күперҙә төҙөү, йүнәтеү, реконструкция эштәре алып барылған. Был маҡсатҡа 37 миллиард һум, шул иҫәптән федераль бюджеттан 15 миллиард һум аҡса йүнәлтелгән, тип хәбәр итә БР Транспорт һәм юл хужалығы министрлығының матбуғат хеҙмәте.

Юл хәрәкәте хәүефһеҙлеген тәьмин итеү өсөн дә ҙур эштәр башҡарыла. Башҡортостан юлдарында 1750 фотовидеофиксация камераһы эшләй. Йыл һайын юл билдәләре яңыртыла, барьерҙар, светофорҙар ҡуйыла, яҡтыртыу ҡорамалдары төҙөкләндерелә. Өфөлә интеллектуаль транспорт системаһы индерелә. “Башинформ” мәғлүмәт агентлығында үткән матбуғат конференцияһында ошолар хаҡында һүҙ барҙы.

Фото һәм сығанаҡ –  https://contenta.info/press_releases/890005#scroll.