Әсәйҙәр ярышты

Тәтешле районында волейбол буйынса муниципалитет чемпионаты үтте.

#миллипроект #нацпроект #национальныепроектыБашкортостан

Үрге Тәтешле ауылындағы “Спорт планетаһы” физкультура-һауыҡтырыу комплексында ҡатын-ҡыҙҙар араһында волейбол буйынса район чемпионаты үтте. Сара “Демография” милли проектының “Спорт – йәшәү нормаһы” федераль проекты сиктәрендә ойошторола.  

Әсәйҙәр матур уйнаны, оҫталыҡтарын, командала эшләй белгәндәрен күрһәтте, тип хәбәр итә Тәтешле районы хакимиәтенең мәғлүмәт-аналитика бүлеге. Спорт залында байрамса кәйеф хөкөм һөрә. Әсәйҙәрҙең уйында  еңеү генә түгел, улар уйын барышынан ҡәнәғәтлек кисерә.

Уйындан һуң еңеүселәргә һәм призерҙарға дипломдар, сертификаттар тапшырыла.

“Һәр саҡ яраттым волейболды, бала саҡтан шөғөлләндем. Әле лә буш ваҡыттарымда тренировкаларға йөрөйөм. Ярышта ҡатнашырға саҡырғас, ике уйлап тормай ризалаштым. Бындай саралар бик кәрәкле, тигән фекерҙәмен”, – ти турнирҙа ҡатнашыусы Һылыу Усманова.

Фото һәм сығанаҡ – https://contenta.info/press_releases/889263#scroll.