Шишмә районында заманса китапхана асылды

Бында конференция залы булған әҙәбиәт музейы, әҙәбиәт ҡунаҡханаһы, “Беҙҙең өйҙөң йәме” тип аталған балалар бүлмәһе, “Офоҡ” йәштәр студияһы кеүек заманса майҙансыҡтар булдырылған.

#миллипроект #нацпроект #национальныепроектыБашкортостан

Келәш ауылында “Мәҙәниәт” милли проектының “Мәҙәни мөхит” федераль проекты сиктәрендә заманса китапхана ишектәрен асты, тип хәбәр итә Шишмә районы хакимиәтенең мәғлүмәт-аналитика бүлеге.

Бында конференция залы булған әҙәбиәт музейы, әҙәбиәт ҡунаҡханаһы, “Беҙҙең өйҙөң йәме” тип аталған балалар бүлмәһе, “Офоҡ” йәштәр студияһы кеүек заманса майҙансыҡтар булдырылған. Уҡыусылар бында яңы әҙәбиәт менән танышып ҡына ҡалмай, улар өсөн тыуған яҡты өйрәнеү буйынса оҫталыҡ дәрестәре, интерактив саралар әҙерләнгән.

Китапханала мөмкинлектәре сикләнгән кешеләр өсөн ҡулайлаштырылған компьютер артында эшләү урыны ла ҡаралған. Ул интернет селтәренә, электрон мәғлүмәт базаһына һәм махсус программаларға тоташҡан.

– Китапханалар һәр саҡ халыҡты тартып тора. Китапханасылар яңы проекттарын тормошҡа ашырыр, ә уҡыусылар яңыртылған бинала урынлашҡан уңайлы китапхананың мөмкинлектәренә ыңғай баһа бирер, тип ышанабыҙ. Яңы китап уҡыусылар килеүен, яңы үрҙәр яулауығыҙҙы теләйем, – ти Шишмә районы хакимиәте башлығы Ришат Мансуров.

Учреждение 2007 йылда уҡ модель китапханаға әүерелгән, ул Мостай Кәримдең әҙәби мираҫын өйрәнеү үҙәге булып тора. “Яңы быуын китапханаһы” проекты китапханасыларға хеҙмәтләндереү сифатын яҡшыртырға ғына түгел, яңы формаларҙа эшләү алымдарын индерергә лә мөмкинлек бирер.

Фото һәм сығанаҡ – https://contenta.info/press_releases/870720#scroll.