Мөғжизәле донъя

Ағиҙел ҡалаһы балалар модель китапханаһында “Серле анимация донъяһы” тип аталған мауыҡтырғыс сара үтте.

#миллипроект #нацпроект #национальныепроектыБашкортостан

“Мәҙәниәт” милли проекты сиктәрендә ойошторолған күңелле сәйәхәт Халыҡ-ара анимация көнөнә арналды, тип хәбәр итә Ағиҙел ҡалаһы хакимиәтенең мәҙәниәт бүлеге.

Башҡорт гимназияһы уҡыусылары йәнһүрәттәр донъяһына сумып, уларҙы булдырыу серҙәре менән таныша.

Балалар анимация тарихы менән таныша, технологиялар үҫеше хаҡында өйрәнә. Был уларға анимация индустрияһының ни тиклем алға киткәнен күҙалларға булышлыҡ итә.

Анимацияның төрлө булыуы, уның төрҙәре тураһында һөйләшеү бик ҡыҙыҡлы үтә. Ҡом, һүрәт, ҡурсаҡ, пластилин, компьютер анимацияһы – балалар был стилдәрҙең һәр ҡайһыһының үҙенсәлектәрен, мөмкинлектәрен күрә.

Күп яратҡан йәнһүрәттәренең әҙәби әҫәрҙәргә таянып төшөрөлгәнен белеү ҙә ҡыҙыҡ. Был уҡыу менән визуаль сәнғәттең тығыҙ бәйләнештә икәнен күрһәтә. Балалар уйындар ҙа уйнап өлгөрә.

Бындай саралар балаларҙа ижадҡа ҡыҙыҡһыныу булдыра, әҙәбиәткә һөйөү уята, ти ойоштороусылар.

Фото һәм сығанаҡ – https://contenta.info/press_releases/867481#scroll.