Күгәрсен районында кемпинг булдырылды

“Сатлыҡ” кемпингы йыл әйләнәһенә эшләйәсәк.

#миллипроект #нацпроект #национальныепроектыБашкортостан

Проект “Туризм һәм ҡунаҡсыллыҡ индустрияһы” милли проекты сиктәрендә бойомға ашырыла. Уның өсөн 28 миллион һум инвестиция һалынған, тип хәбәр итә БР Эшҡыуарлыҡ һәм туризм министрлығының матбуғат хеҙмәте.

– Әле республикала 590 коллектив менән урынлашыу ере эшләй, барыһы 19,1 мең номер иҫәпләнә. 2024 йыл аҙағына тиклем тағы ла 300-ҙән ашыу номер эшләй башлаясаҡ. 2024 йылдың һигеҙ айында ял урындарында 1 миллион турист урынлаштырылған, – ти Башҡортостандың эшҡыуарлыҡ һәм туризм министры вазифаһын башҡарыусы Зөһрә Гордиенко.

“Сатлыҡ” ял итеүселәргә йыл әйләнәһенә уңайлы шарттар тәҡдим итә. Проект экологияға һәм тотороҡло үҫешкә ҡарата заманса талаптарҙы иҫәпкә ала.

2023-2024 йылдарҙа конкурста шәхси эшҡыуар Мәзит Йосопов 14 миллион һум күләмендә дәүләт ярҙамы ала. Бизнес-проектын тормошҡа ашырыуға инвестор үҙе лә ошондай уҡ сумма аҡса һала. Әле бында ете кемпинг һәм ун модуль бар, улар душ кабинкаһы, аш-һыу блогы, санузел менән йыһазландырылған. Һәр береһендә 2 – 5 йоҡлау урыны бар. Эргәлә генә усаҡ зонаһы, мангал, гәпханалар урынлаштырылған. Туристик ҡорамалдар ҙа алынған.

2023-2024 йылдарҙа Башҡортостан Республикаһында туризм инфраструктураһын үҫтереүгә 1,9 миллиард һум дәүләт ярҙамы йүнәлтелә. Уның 1,8 миллиард һумы – федераль субсидиялар.

Фото һәм сығанаҡ – https://contenta.info/press_releases/865890#scroll.