Урмансылар паркында эш ҡайнай

Пикник зонаһы, бәләкәй һәм ҙур спорт майҙандары, балалар майҙансығы, йәйәүлеләр һәм велосипедсылар өсөн юлдарҙа эштәр ҡаралған.

#миллипроект #нацпроект #национальныепроектыБашкортостан

2024 йылда Башҡортостанда “Торлаҡ һәм ҡала мөхите” милли проектының “Уңайлы ҡала мөхите булдырыу” федераль проекты буйынса 1,2 миллиард һумға 123 йәмәғәт урыны төҙөкләндерелә. Программа республиканың 67 ауыл һәм ҡалаһында бойомға ашырыла, тип хәбәр итә БР Торлаҡ-коммуналь хужалыҡ министрлығының матбуғат хеҙмәте.

Әле тормошҡа ашырылған ҙур проекттарҙың береһе – Өфөлә урынлашҡан Урмансылар паркын реконструкциялау. Яңыртыу өсөн урынды һәм дизайн проектын ҡала халҡы һайлай. 2023 йылда үткәрелгән тауыш биреүҙә халыҡ әүҙем ҡатнашып, 228 мең самаһы тауыш йыйылған.

Ремонт эштәре бында 2014 йылда үткәрелгән булған.

Паркта реконструкция эштәре апрелдә башлана. План буйынса биш объектты яңыртыу ҡаралған. Пикник зонаһы, бәләкәй һәм ҙур спорт майҙандары, балалар майҙансығы, йәйәүлеләр һәм велосипедсылар өсөн юлдарҙа эштәр көтөлә. Әле йәмәғәт урынында яҡтыртыуҙы модернизациялау бара.

Быйылғы йәйҙең аномаль ямғырлы өс айы ауыр ер эштәрен башҡарыуҙа ҡатмарлыҡтар тыуҙыра. Шулай ҙа реконструкция эштәре дауам итә.

Паркта фонарҙар һаны артыуы сифатлы һәм тигеҙ яҡтыртыуҙы тәьмин итә. Был ҡараңғыла йәйәү йөрөүселәргә һәм велосипедсыларға уңайлы булыр.

Фото һәм сығанаҡ –  https://contenta.info/press_releases/850866#scroll.