Яңы проекттар тормошҡа ашырыла

“Благовещен арматура заводы” булышлығында өс эшҡыуарлыҡ проекты тормошҡа ашырылған. Завод йүнселдәргә 200 мең һум аҡса бүлгән.

#миллипроект #нацпроект #национальныепроектыБашкортостан

“Кесе һәм урта эшҡыуарлыҡ һәм эшҡыуарлыҡ башланғысына булышлыҡ итеү” милли проекты сиктәрендә Благовещен районында йүнселлеккә булышлыҡ итеү буйынса эштәр әүҙем бара, тип хәбәр итә район хакимиәтенең мәғлүмәт-аналитика бүлеге.

“Благовещен арматура заводы” булышлығында өс эшҡыуарлыҡ проекты тормошҡа ашырылған. Завод йүнселдәргә 200 мең һум аҡса бүлгән.

Хәтирә Мөфтахова тормош иптәше һәм улы менән Н.Я. Киселев исемендәге паркта пневматик тир асҡан. Ул эшҡыуарлыҡта 14 йыл эшләй, үҙ магазинында һатыу итә. Быйыл яңы проект асырға ҡарар иткән. “Эшҡыуарлыҡ сәғәте”ндә уға урын һайлашалар, грант ярҙамы менән таныштыралар.

Александра Елпаева ҡулдан эшләнгән шәмдәр һәм һабындар етештереү оҫтаханаһы асҡан. Ул үҙенсәлекле әйберҙәр эшләй, теләгәндәр өсөн оҫталыҡ дәрестәре лә үткәрә.

Әлфиә Холмухамедова имбир перәниктәре һәм зефирҙан гөлләмәләр етештерә. Оҫтаханаһында перәниктәргә һүрәт төшөрөү буйынса оҫталыҡ дәрестәре лә үткәрергә йыйына.

Ике йүнселдең дә оҫтаханаһы уҡытыусылар семинарияһы бинаһында урынлашҡан. Оҫталыҡ дәрестәренә балалар ҙа, Благовещен ҡалаһына ҡунаҡҡа килеүселәр ҙә ҡыҙыҡһынып килә. Әммә эшҡыуарҙар булғаны менән генә ҡәнәғәтләнеп ҡалмаҫҡа, проекттарын үҫтерергә ниәтләй.

“Эшҡыуарлыҡтың ҡала тормошо өсөн әһәмиәтен әйтеп бөтөрлөк түгел. Был иҡтисади үҫеш өсөн генә түгел, социаль үҫеш өсөн дә мөһим. Эшҡыуарлыҡ башланғыстары ярҙамында ҡаланың йәнләнеүен, яңы эш урындары барлыҡҡа килеүен, үҙенсәлекле хеҙмәтләндереү ысулдарын күрәбеҙ”, – ти Благовещен районы хакимиәте башлығы Анна Карабанова.

Фото һәм сығанаҡ – https://contenta.info/press_releases/840749#scroll.