Сәнғәткә мөкиббәндәр өсөн

Ағиҙел ҡалаһы үҙәк китапханаһында яңы виртуаль концерт залы асылды.

#миллипроект #нацпроект #национальныепроектыБашкортостан

Виртуаль концерт залы “Мәҙәниәт” милли проекты сиктәрендә асыла.

Концерт залын йыһазландырыуға 600 мең һум аҡса бүленә. Хәҙер ҡала халҡы һәм ҡунаҡтары концерттарҙың трансляцияһына килә ала, тип хәбәр итә БР Мәҙәниәт министрлығының матбуғат хеҙмәте. Заманса ҡорамалдар үҙеңде концерт залындағылай хис итергә мөмкинлек бирә.

“Виртуаль концерт залы Рәсәйҙәге билдәле мәҙәниәт учрежденеларында ҡуйылған симфоник оркестрҙар концертын, опералар, мюзиклдар һәм әҙәби-музыкаль тапшырыуҙарҙы ҡарарға  мөмкинлек бирә”, – ти Ағиҙел ҡалаһы хакимиәте башлығының социаль эштәр буйынса урынбаҫары Ирек Вәлиев.

“Ҡалала виртуаль концерт залы асылыуы музыка сәнғәтен яратыусылар өсөн бик уңайлы булды. Мәҙәниәт хеҙмәткәрҙәрен ул ижади эҙләнеүҙәргә, яңы креатив идеяларға килтерер”, – ти район мәҙәниәт бүлеге етәксеһе Гөлнара Ғайсина.

Фото һәм сығанаҡ –  https://contenta.info/press_releases/838959#scroll.