Өфө фән һәм технологиялар университеты зоологтары Башҡортостандың ҡыҙыл китабының хайуандар тураһындағы икенсе томын әҙерләгән

Яңыртылған баҫмала хайуандарҙың һирәк осраған һәм юғалып барған 140 төрө урын алған.

#миллипроект #нацпроект #национальныепроектыБашкортостан

Проект “Фән һәм университеттар” милли проекты маҡсаттарына ярашлы бойомға ашырыла.

Яңыртылған Башҡортостандың ҡыҙыл китабында хайуандарҙың һирәк осраған һәм юғалып барған  140 төрө күрһәтелгән, һәр береһе тураһында тулы мәғлүмәт, ҡайҙа йәшәүҙәре хаҡында карта, төҫлө һүрәттәр бирелгән. Улар араһында үрмәксе һымаҡтарҙың 1 төрө, бөжәктәрҙең 56 төрө, һөйәкле балыҡтарҙың 6 төрө, ер-һыу хайуандарының 1 төрө, һөйрәлеүселәрҙең 6 төрө, ҡоштарҙың 51 төрө, һөтимәр хайуандарҙың 19 төрө бар, тип хәбәр итә БР Мәғариф һәм фән министрлығының матбуғат хеҙмәте.

Яңы баҫмаға 47 яңы төр индерелгән. Хайуан төрҙәренең бер өлөшө Рәсәй Федерацияһы ҡыҙыл китабының яңы баҫмаһынан алынған, бер өлөшө фаунаны өйрәнеү һөҙөмтәһендә өҫтәлгән.   

– Башҡортостандың ҡыҙыл китабы томының үткән баҫмаһы ун йыл элек донъя күргән. 2014 йыл менән сағыштырғанда баҫманан хайуандарҙың 21 төрө алып ташланған. Улар араһында әлеге ваҡытта төбәктә бөтөнләй осрамаған төрҙәр бар, һанын арттырған төрҙәр ҙә осрай, – ти Башҡортостандың ҡыҙыл китабы баш мөхәррире, Өфө фән һәм технологиялар университетының биология һәм экология кафедраһы доценты Винер Хәбибуллин.

Фото һәм сығанаҡ –  https://contenta.info/press_releases/842887#scroll.