Асҡарҙа яңы балалар поликлиникаһы төҙөлә

Төҙөүселәр әҙерлек эшен тамамлаған һәм буласаҡ медицина учреждениеһының нигеҙен бетонлай башлаған.

#миллипроект #нацпроекты #национальныепроектыБашкортостан

Әбйәлил районы үҙәгендә яңы балалар поликлиникаһы төҙөлә башланы, тип хәбәр итә БР Төҙөлөш һәм архитектура министрлығының матбуғат хеҙмәте.

Төҙөлөш эштәре “Һаулыҡ һаҡлау” милли проекты сиктәрендә бойомға ашырыла.

– Асҡар халҡы яңы балалар поликлиникаһын түҙемһеҙлек менән көтә. Ул үҙәк район хәстәханаһы янында төҙөләсәк. Объектты 2025 йылда эксплуатацияға индерергә ниәтләйбеҙ. Йыл аҙағына тиклем республикала тағы ла 17 социаль объект төҙөү ҡарала, улар араһында медицина, белем биреү һәм мәҙәниәт учреждениелары бар, – ти Башҡортостан төҙөлөш һәм архитектура министры вазифаһын башҡарыусы Артем Ковшов.

Бинаның дөйөм майҙаны дүрт мең квадрат метр тәшкил итә. Яңы медицина учреждениеһында ҡабул итеү боксы, амбулатор ҡабул итеү кабинеты, кисектергеһеҙ медицина ярҙамы блогы, шулай уҡ көндөҙгө стационар ҡаралған.

Төҙөлөш майҙанында 40 кеше, алты төҙөлөш техникаһы берәмеге эшләй. Заказсы булып Башҡортостан Республикаһы капиталь төҙөлөш идаралығы тора. Генподрядсы – “БИЛД” яуаплылығы сикләнгән ойошмаһы.

Фото һәм сығанаҡ –  https://contenta.info/press_releases/842809#scroll.