Яратҡан шөғөлөн килем сығанағына әйләндергән

Ағиҙел ҡалаһында йәшәгән эшҡыуар Валентин Широбоков юғары сифатлы әйберҙәр сығарыуы, һәр клиентҡа иғтибар бүлеүе менән билдәлелек яулаған. I VALEN-WOOD – хәҙер популяр оҫтахана.

#миллипроект #нацпроект #национальныепроектыБашкортостан

Эшҡыуар “Кесе һәм урта эшҡыуарлыҡ һәм эшҡыуарлыҡ башланғысына булышлыҡ итеү” милли проекты сиктәрендә дәүләт ярҙамы алған һәм эшмәкәрлеген киңәйткән. Оҫта сығымдарының бер өлөшөн ҡаплау өсөн субсидия алыу мөмкинлеген файҙаланған.

Валентин Широбоков һәр проектты үҙе контролдә тота, заказсыларҙың теләктәренә бик иғтибарлы. Оҫтахана заманса йыһазландырылған, был иң ҡыйыу дизайнер идеяларын тормошҡа ашырырға мөмкинлек бирә.

Йүнселдең миҫалында шуны күрергә була: дәүләт ярҙамы менән яратҡан шөғөлөңдө сәскә атҡан бизнесҡа тиклем үҫтерергә мөмкин. Тырыш хеҙмәт һәм камиллыҡҡа ынтылыш бәләкәй ҡалала ла ҙур уңыштарға ирешергә мөмкинлектәр аса.

Оҫтаханаға килеүселәр бында үҙ һөнәре оҫталары эшләүен, заказдарҙың тиҙ башҡарылыуын, хаҡтарҙың бик ҡиммәт булмауын билдәләй, тип хәбәр итә Ағиҙел ҡалаһы хакимиәтенең мәғлүмәт-аналитика бүлеге.

Фото һәм сығанаҡ –   https://contenta.info/press_releases/840216#scroll.