“Мәғариф” милли проектын тормошҡа ашырыу сиктәрендә Борай районында ике агросиныф асылды

Хәҙер уҡыусылар ауыл хужалығы һөнәрҙәренә кәрәкле белем алыу, оҫталығын арттырыу мөмкинлегенә эйә, тип хәбәр итә Борай районы хакимиәтенең мәғлүмәт-аналитика бүлеге.

#миллипроект #нацпроект #национальныепроектыБашкортостан

Агрокластар йәштәр араһында ауыл хужалығын популярлаштырыу һәм иртә профориентация маҡсатында булдырыла. Буласаҡ аграрийҙар өсөн заманса махсус ҡорамалдар менән йыһазландырылған уҡыу кабинеттары бүленгән.

1-се мәктәптең 14 уҡыусыһы синыф етәксеһе Алһыу Ямурова, 3-сө мәктәптең 20 уҡыусыһы класс етәксеһе Айгөл Билалова етәкселегендә агрономия, ауыл хужалығы донъяһы серҙәрен асырға әҙер.  

“Борай ауылында белем биреү өлкәһендә был – тарихи ваҡиға. Фәнни-тикшеренеү эшмәкәрлегенә ҡыҙыҡһыныу уятыу һәм агросәнәғәт комплексы өсөн белгестәр әҙерләү – иртәгәһе көнөбөҙгә аҡыллы аҙымыбыҙ ул. Уҡыусыларыбыҙ районыбыҙҙың ауыл хужалығына һәм иҡтисадына ҙур өлөш индерер, тип ышанабыҙ”, – ти Борай районы хакимиәте башлығы урынбаҫары Ильвер Нурмөхәмәтов.

“Агросиныфтар” проектын Башҡортостан Республикаһы Ауыл хужалығы һәм Мәғариф һәм Фән министрлыҡтары Башҡорт дәүләт аграр университеты, урта белем биреү мәктәптәре, агроколледждар менән берлектә, алдынғы ауыл хужалығы предприятиелары ярҙамында тормошҡа ашыра.  Әле республикала 130 агрокласс булдырылған һәм эшләй.

Фото һәм сығанаҡ – https://contenta.info/press_releases/837024#scroll.