Яңы үрҙәр яуларҙар

Салауат ҡалаһы балалар музыка мәктәбенә “Мәҙәниәт” милли проекты сиктәрендә яңы рояль ҡайтарылды.

#миллипроект #нацпроект #национальныепроектыБашкортостан

Балаларға ижади һәләттәрен асыу, оҫталығын арттырыу өсөн мөмкинлектәр арта. Мәктәптең матди-техник базаһын яңыртыуға аҡса “Мәҙәниәт” милли проектын тормошҡа ашырыу сиктәрендә федераль, төбәк һәм урындағы ҡаҙналарҙан бүленгән. Бындай башланғыстар ил буйынса мәҙәниәт ойошмаларын үҫтереүҙе һәм уларға ярҙам итеүҙе маҡсат итеп ҡуя, тип хәбәр итә Салауат ҡалаһы хакимиәтенең мәғлүмәт-аналитика бүлеге.

 “Мәҙәниәт өлкәһендә мәғариф учреждениеларына ошондай ярҙам саралары күрһәтеү мөһим. Яңы музыка ҡоралдары ярҙамында балалар яңы үрҙәр яулар, тип ышанабыҙ”, – ти Салауат балалар музыка мәктәбе директоры Дилә Хафизова.

Фото һәм сығанаҡ – https://contenta.info/press_releases/823445#scroll.