Орлоҡ әҙерләү дауам итә

Иглин районы урмансылары ҡайын орлоғо әҙерләй.

#миллипроект #нацпроект #национальныепроектыБашкортостан

Орлоҡ әҙерләү “Экология” милли проектының “Урмандарҙы һаҡлау” федераль проекты сиктәрендә урманды үҫтереү һәм тергеҙеү буйынса эштәр үткәреү өсөн кәрәк, тип хәбәр итә БР Урман хужалығы министрлығының матбуғат хеҙмәте.

Иглин участка урман хужалығының өлкән мастеры Игорь Емельянов һәм Таутөмән участка урман хужалығы өлкән мастеры Виктор Андреев 15 килограмм орлоҡ йыйған да инде.

Урмансылар әйтеүенсә, ҡайын орлоғо әҙерләү еңел түгел. Уны ҡойолорҙан 10 – 15 көн алда йыялар, шунан биш сантиметрға тиклем ҡалынлыҡта йәйеп йә элеп киптерәләр.

Артабан уны бутап торалар, әүәләйҙәр, төйәләр. Япраҡтарын, ботаҡтарын, башҡа эре өлөштәрен алып ташлайҙар, ә орлоҡтарҙы иләк аша үткәреп таҙарталар. Орлоҡ йыйыу эше тик ҡул менән башҡарыла. Быны ваҡытында, орлоҡтар ҡойолмаҫ борон эшләп ҡалыу мөһим.  

Быйыл Башҡортостан урмансыларына өс тонна орлоҡ әҙерләү кәрәк.

Фото һәм сығанаҡ – https://contenta.info/press_releases/825873#scroll.