“Өфө. Белешмә” сайт-сервисын (https://ufa.gorod.guide/ ) эшләүгә федераль ҡаҙнанан туризм индустрияһы субъекттарына субсидиялар формаһында 2,7 миллион һум күләмендә грант бүленгән.
#миллипроект #нацпроект #национальныепроектыБашкортостан
– Белешмәләр ялды еңел һәм уңайлы итеп ойошторорға, шулай уҡ туристик маршруттар һәм тарихи урындар тураһында тулы мәғлүмәт алырға мөмкинлек бирә. Бындай башланғыстар туризмды үҫтерергә булышлыҡ итә, – ти Башҡортостандың эшҡыуарлыҡ һәм туризм министры Зөһрә Гордиенко.
БР Эшҡыуарлыҡ һәм туризм министрлығының матбуғат хеҙмәте хәбәр итеүенсә, сайтта һигеҙ бүлектә 200-ҙән ашыу локация күрһәтелгән. Улар буйынса ҡайҙа тамаҡ туйҙырырға, туҡтарға, ял итергә, ниндәй урындарҙа булырға, нисек сувенирҙар һайларға икәнен белеп була. Онлайн-белешмә сайт-сервис рәүешендә лә, мобиль ҡушымта итеп тә эшләнгән.
Белешмә тулыландырыласаҡ, үҙгәртеләсәк. Саралар, яңы туристик маршруттар тураһындағы тәҡдимдәрҙе, мәғлүмәттәрҙе «Элис Медиа Групп» ойошмаһына ([email protected]) йәки +7 905-000-10-80 телефоны аша еткерергә мөмкин.
Фото һәм сығанаҡ – https://contenta.info/press_releases/781241#scroll.