Туристарҙы төрлө сараларҙа көтәләр

Йәй төрлө сараларға бай булмаҡсы. Фестивалдәр, байрамдар төбәктә ял һәм туризм индустрияһын булдырыуҙың мөһим өлөшө булып тора, тип хәбәр итә БР Эшҡыуарлыҡ һәм туризм министрлығының матбуғат хеҙмәте.

#миллипроект #нацпроект #национальныепроектыБашкортостан

– “Туризм һәм ҡунаҡсыллыҡ индустрияһы” милли проектын тормошҡа ашырыу сиктәрендә 2023 йылда “Өфө халыҡ-ара марафоны”н ойоштороуға 6,1 миллион һум аҡса бүленгән. Марафонда 15 мең кеше ҡатнашҡан, улар Рәсәйҙең 42 субъектынан һәм 26 илдән килгән. Быйыл ҡыҙыҡлы ивент-проекттарҙы бойомға ашырыуға 30 миллион һум аҡса бүленеүе күҙаллана, – ти  Башҡортостандың эшҡыуарлыҡ һәм туризм министры Зөһрә Гордиенко.

2024 йылдың июнь – август айҙарында республикала 30-ҙан ашыу мәҙәни, гастрономик, спорт сараһы ҡаралған. Башҡортостандың төрлө төбәктәрендә “Нарыҫтау” милли мәҙәниәттәр, “Ағиҙел тулҡындары” йәштәр ижады, “Салауат ере” төбәк-ара, SkyFest  Бөтә Рәсәй парашют спорты, “Еләкле төбәк” төбәк-ара гастрономия фестивалдәре, “Туймазы-фест”, “Ай, Уралым, Уралым!” этнофестивалдәре һәм башҡа бик күп ҡыҙыҡлы саралар көтөлә.

Сараларҙың ҡасан, ҡайҙа үтеүе тураһында https://biznestur.bashkortostan.ru/documents/other/563937/  һылтанмаһы аша үтеп, Башҡортостандың Эшҡыуарлыҡ һәм туризм министрлығы сайтында мәғлүмәт алырға мөмкин.  

Фото һәм сығанаҡ – https://contenta.info/press_releases/778900#scroll.