Рәсәй Федерацияһы Ауыл хужалығы министрлығында 2025 йылға “Агротуризм” грантына документтар ҡабул ителә

Эшҡыуарҙар өсөн: ғаризаларҙы Башҡортостан Ауыл хужалығы министрлығында 24 майға тиклем тапшырырға мөмкин.

#миллипроект #нацпроект #национальныепроектыБашкортостан

Был ярҙам “Кесе һәм урта эшҡыуарлыҡ һәм эшҡыуарлыҡ башланғысына булышлыҡ итеү” милли проекты буйынса бойомға ашырыла, тип хәбәр итә БР Ауыл хужалығы министрлығының матбуғат хеҙмәте.

– Республикабыҙ “Агротуризм” федераль проектында әүҙем ҡатнаша. Өс йыл эсендә Башҡортостандан туғыҙ проект еңеү яуланы, уларға дөйөм алғанда 58,7 миллион һум аҡса бүленде, – ти БР Хөкүмәте Премьер-министры урынбаҫары – ауыл хужалығы министры Илшат Фәзрахманов.

Рәсәйҙә 2022 йылдан алып “Агротуризм” грантына конкурста 53 төбәктән 121 проект еңеп сыҡҡан.

“Агротуризм” грантына конкурс тураһында тулы мәғлүмәтте https://cckrb.ru/programs/programma-agroturizm/  һылтанмаһы буйынса табырға була.

Фото һәм мәғлүмәт – https://contenta.info/press_releases/755534#scroll.