Уҡыусыларға – уңайлы шарттар

Шишмә районы Келәш ауылында М.Кәрим исемендәге мәктәпкә спорт ҡорамалдары ҡайтарыла.

#миллипроект #нацпроект #национальныепроектыБашкортостан

Әле уларҙы һатып алыу эштәре бара, йәйге каникулдар ваҡытында турник, брус, гимнастика эскәмйәһе һәм башҡа ҡорамалдарҙы ҡуйыу ҡаралған, тип хәбәр итә Шишмә районы хакимиәтенең мәғлүмәт-аналитика бүлеге.

– Хәҙерге юғары технологиялар һәм компьютерҙар заманында хәрәкәт етмәү проблемаһы ҙур, был балаларҙың һәм үҫмерҙәрҙең һаулығы боҙолоуына килтерә. Йәштәрҙе, уҡыусыларҙы спортҡа, сәләмәт йәшәү рәүешенә ылыҡтырыу өсөн беҙ уңайлы шарттар булдырырға тырышабыҙ, – ти Шишмә мәғариф идаралығының физик культура һәм спорт буйынса баш белгесе Тимур Ситдиҡов.

Спорт ҡорамалдары “Мәғариф” милли проектының “Һәр уҡыусының уңышы” төбәк проекты сиктәрендә алына.

Фото һәм сығанаҡ – https://contenta.info/press_releases/718256#scroll.