Ҙур һорау менән файҙаланыла

Борай районында полипропилен шпагат етештерелә

#миллипроект #нацпроект #национальныепроектыБашкортостан

Шәхси эшҡыуар Азамат Басиров проектын “Эшҡыуарлыҡ сәғәте”ндә тәҡдим итә.

Борай районы хакимиәтенең мәғлүмәт-аналитика бүлеге хәбәр итеүенсә, йүнсел химия өлкәһендә белем алған, оҙаҡ йылдар себерҙә нефть химияһы компанияһында эшләгән. 2023 йылда “Флекс-Ультра” полипропилен шпагат етештереү предприятиеһы асҡан.

Цехтың йыллыҡ етештереүсәнлеге 400 тонна тәшкил итә. Нәҙек ептәр ҙур ауыл хужалығы етештереүселәре, фермерҙар һәм баҡсасылар араһында ҙур һорау менән файҙаланыла. Ул эре маркетплейстарҙа ла һатыла. Шпагат шулай уҡ Ҡаҙағстанға, Әзербайжанға, Әрмәнстанға экспортлана. Бындай бауҙар ныҡлы, ышаныслы.

Эшҡыуар предприятиеһын киңәйтергә, артабан Ҡырғыҙстан, Монголия баҙарына сығырға  уйлай. Әле бында ете кеше эшләй, тиҙҙән эш урындарын да арттырыу күҙ уңында тотола.

 “Эшҡыуарлыҡ сәғәте” “Кесе һәм урта эшҡыуарлыҡ һәм эшҡыуарлыҡ башланғысына булышлыҡ итеү” милли проекты сиктәрендә ойошторола.

Фото һәм сығанаҡ – https://contenta.info/press_releases/706579#scroll.