Ниәттәр тормошҡа ашыр

Межгорьела мәҙәниәт һәм ял үҙәге бинаһы йүнәтелә.

#миллипроект #нацпроект #национальныепроектыБашкортостан

Мәҙәниәт һәм ял үҙәге элекке һалдат клубы бинаһында урынлашҡан. Бында 1986 йылдан бирле капиталь ремонт үткәрелмәгән. Реконструкция эштәре бер нисә этапта ойошторола, тип хәбәр итә Межгорье ҡалаһы хакимиәте.

2021 йыл аҙағында ямғыр канализацияһы йүнәтелә, санузелдар һәм үҫмерҙәр клубы тәртипкә килтерелә. 2022 йылда “Төҙөүсе” кинозалы яңыртыла. 2023 йылда бейеү залына ремонт яһала.

“Этаптарға бүлеп ингән урынға, запас ишектәргә, электр һәм йылылыҡ селтәрҙәренә, бинаның фасадына, эске бүлмәләренә капиталь ремонт үткәрәбеҙ. Эш күп, ниәт иткән барыһын да тормошҡа ашырырбыҙ, тип өмөт итәм”, – ти ҡала хакимиәте башлығы Александр Чоловский.

Яңыртыу эштәре “Мәҙәниәт” милли проекты сиктәрендә үткәрелә.

Фото һәм сығанаҡ – https://contenta.info/press_releases/652288#scroll.