Дүртөйлө районының Күкҡуян ауылы халҡы диспансеризацияны үҙ ауылында ғына үтә

Яңы фельдшер-акушер пункты “Һаулыҡ һаҡлау” милли проектының “Һаулыҡ һаҡлауҙың беренсел звеноһын модернизациялау” төбәк программаһын тормошҡа ашырыу сиктәрендә һалына.

#миллипроект #нацпроект #национальныепроектыБашкортостан 

Бина стандарт буйынса йыһазландырылған, коммуникациялар үткән.

Заманса ФАП-та электрон больничныйҙар, рецептар яҙыу, ЭКГ-ны дистанцион рәүештә тапшырыу, шулай уҡ Дүртөйлө үҙәк район хәстәханаһы белгестәре менән телемедицина консультациялары үткәреү мөмкинлеге бар.

ФАП-ҡа Күкҡуян һәм Манъяҙыбаш ауылдары халҡы беркетелгән. Уларҙың һаулығын хәстәрләүсе Гөлнара Бәҙретдинова – тәжрибәле фельдшер, бында 2009 йылдан алып эшләй. Әле бында 45 кеше диспансеризация үтеп өлгөргән дә инде.

БР Һаулыҡ һаҡлау министрлығының матбуғат хеҙмәте мәғлүмәттәре буйынса, Башҡортостанда 2088 фельдшер-акушер пункты бар, уларҙың 342-һе 2019 – 2023 йылдарҙа төҙөлгән.

Фото һәм сығанаҡ – https://contenta.info/press_releases/637615#scroll.