Инвестиция порталының функциональ мөмкинлектәре ниндәй?

Бөгөн ул Башҡортостан эшҡыуарҙары өсөн рәсми яңылыҡтар каналы булып тора. 

#миллипроект #нацпроект #национальныепроектыБашкортостан

БР Эшҡыуарлыҡ һәм туризм министрлығында төбәктең бизнес-шерифтары менән онлайн форматта кәңәшмәлә “Башҡортостан Республикаһының ауыл хужалығы консультациялары үҙәге” дәүләт бюджет учреждениеһы директоры Ирек Сакаев ауыл хужалығы етештереүе тармағында эшләгән кесе һәм урта эшҡыуарлыҡ субъекттарына дәүләт ярҙамы саралары хаҡында һөйләне, тип хәбәр итә ведомствоның матбуғат хеҙмәте.

Сара “Кесе һәм урта эшҡыуарлыҡ һәм эшҡыуарлыҡ башланғысына булышлыҡ итеү” милли проекты сиктәрендә ойошторола.

БР инвестиция порталының функциональ мөмкинлектәре тураһында доклад менән Башҡортостандың бизнес һәм инвестициялар өлкәһендә порталы департаменты етәксеһе Татьяна Ермишина сығыш яһай. Бөгөн республиканың инвестпорталы Башҡортостан эшҡыуарҙары өсөн рәсми яңылыҡтар каналы булып тора. investrb.ru порталында эшҡыуарлыҡ сәғәтенә яҙылырға, эшҡыуарлыҡҡа ярҙам саралары һәм айырым иҡтисади статусҡа эйә биләмәләрҙәге льготалар, бизнес өсөн махсус майҙандарҙы ҡуртымға алыу мөмкин булған дәүләт һәм муниципаль мөлөк тураһында белергә, “бер тәҙрә” принцибы буйынса үҙ проектыңды алып барыуға ғариза ҡалдырырға, дәүләт-шәхси партнерлыҡ механизмы менән танышырға мөмкин. Уңайлыҡ өсөн бизнес-навигатор, иң яҡшы кейстар һәм инвестиция картаһы тормошҡа ашырылған.

Ноябрҙә тағы ла эшлекле саралар көтөлә. 14 ноябрҙә – Стәрлетамаҡта, 15-ендә  Өфөлә “Бизнеста еңел старт” франчайзингы буйынса белем биреү интенсивтары үтә. 17 ноябрҙә Өфөлә Социаль эшҡыуарлыҡта иң яҡшы ғәмәлдәрҙе популярлаштырыу буйынса төбәк-ара форум, ә 22 – 24 ноябрҙә  Халыҡ-ара бизнес аҙнаһы көтөлә.  

Фото һәм сығанаҡ – https://contenta.info/press_releases/614752#scroll.