Ҡыш бабайҙың тыуған көнөнә әҙерләнә башлағандар

Яңауыл районында онлайн фотоконкурс ойошторғандар.

#миллипроект #нацпроект #национальныепроектыБашкортостан

Яңауыл районының Киҫәк-Ҡайын ауыл күп функциялы клубында “Ҡыш бабайҙың тыуған көнө” онлайн фотоконкурс үтә.

“Мәҙәниәт” милли проекты сиктәрендә ойошторолған бәйгелә 14 йәшкә тиклем балаларҙың Ҡыш бабай менән төшкән фотографиялары ҡатнаша ала. Еңеүселәр “лайыҡ”тар һаны буйынса билдәләнә. Фотоның сифатлы булыуы мөһим.

Ҡыш бабайҙың тыуған көнө 18 ноябрҙә билдәләнә. Был дата юҡтан ғына алынмаған – тап ошо көндө Бөйөк Устюгта тәүге һыуыҡтар килә, тип һанала.

“Был байрам беҙҙең илдә ярайһы уҡ популяр. Ҡыш бабай күптәрҙе бала саҡҡа алып ҡайтты, шуға ла кешеләрҙең йөрәге был көндә әкиәткә асыҡ. Ҡыш бабай – ҡышҡы һалҡындың хакимы. Боронғо славяндар уны тәбәнәк буйлы, оҙон сал һаҡаллы бабай итеп күҙ алдына килтергән”, – ти ойоштороусылар.

Фото һәм сығанаҡ – https://contenta.info/press_releases/611121#scroll.