Мөһим техника

2023 йылда “Экология” милли проектының “Урмандарҙы һаҡлау” федераль проекты сиктәрендә  Башҡортостандың Урман хужалығы министрлығы урман янғыны менән көрәшеү өсөн 12 берәмек техника алыуҙы планлаштыра.

#миллипроект #нацпроект #национальныепроектыБашкортостан

Урман янғыны менән көрәшеү өсөн техника алыуға 52,7 миллион һум аҡса бүленә. Әле документтар Республика сауҙа үҙәгенә тапшырылған. Янғын хәүефе янаған миҙгелгә техника урман янғыны станцияларына бүлеп бирелә, тип хәбәр итә БР Урман хужалығы министрлығының матбуғат хеҙмәте.

Үткән йылда “Экология” милли проекты буйынса 22,7 миллион һум аҡса бүленгән, уға дүрт берәмек техника алынған.

Фото – БР Урман хужалығы министрлығының матбуғат хеҙмәте.