Балалар һаулығы мөһим

Туймазы районы йүнселе Юлиә Вахитова Ҡандракүл буйында балалар һауыҡтырыу лагеры ойошторорға теләй.

#миллипроект #национальныепроекты #нацпроекты #нацпроектыБашкортостан

Проекттың маҡсаты – балаларҙың физик һәм күңел һаулығын һаҡлау өсөн шарттар булдырыу. Проект буйынса инвестициялар күләме туғыҙ миллион һум тәшкил итә. Эшҡыуар инвестор аҡсаһы йәлеп итергә һәм банктан кредит алырға уйлай. 15 кешегә эш урыны булдырыу ҡарала. Әле “Ҡандракүл” тәбиғәт паркы биләмәһендә ер участкаһы һайлау эше алып барыла, тип хәбәр итә Туймазы районы хакимиәтенең мәғлүмәт-аналитика бүлеге.  

“Кесе һәм урта эшҡыуарлыҡ һәм эшҡыуарлыҡ башланғысына булышлыҡ” милли проекты сиктәрендә үткәрелгән “Эшҡыуарлыҡ сәғәте” кәңәшмәһенә йүнсел ҡатын консультация ярҙамы һорап мөрәжәғәт иткән.

Фото – Туймазы районы хакимиәтенең мәғлүмәт-аналитика бүлеге.