Биттәр ал булыр

Биттәр ал булыр

Саҡмағош районында урынлашҡан “Ҡарағай” базаһында саңғы буйынса ярыш үтте.

#миллипроект #национальныепроекты #нацпроекты #нацпроектыБашкортостан

Ярышта был ҡышҡы спорт төрөн яратҡан төрлө йәштәге кешеләр ҡатнашты. Барлыҡ спортсылар ҙа күтәренке кәйеф менән таралышты, тип хәбәр итә Саҡмағош районы хакимиәтенең мәғлүмәт-аналитика бүлеге.

“Бындай ярыштар үҫеп килгән быуындың сәләмәтлеген нығыта, күңелде үҫтерә, ныҡлыҡ, әхләҡи сифаттар, үҙ-үҙеңә ышаныс булдыра. Ҡатнашыусылар саф һауала ваҡытын бушҡа үткәрмәне, дуҫтары менән дә аралашты. Барыһына ла афарин! Ысын спорт байрамы булды”, – ти райондың йәштәр эштәре, физик культура һәм спорт буйынса комитеты рәйесе Илдар Фәһим улы.

Ярыш “Демография” милли проектының “Спорт – йәшәү рәүеше” федераль проекты сиктәрендә ойошторола.

Фото – Саҡмағош районы хакимиәтенең мәғлүмәт-аналитика бүлеге.