Хәрәкәттә – бәрәкәт

Мәсетле районының Оло Ыҡтамаҡ ауылындағы “Атлант” стадионында ГТО нормативын тапшырыу өсөн спорт майҙансығы төҙөлдө.

#миллипроект #национальныепроекты #нацпроекты #нацпроектыБашкортостан

ГТО майҙансығында 26 спорт элементы ҡуйылған. Хәүефһеҙлек өсөн махсус япма йәйелгән, тип хәбәр итә Мәсетле районы хакимиәтенең мәғлүмәт-аналитика бүлеге.

– Спорт майҙансығы ауыл кешеләренә үҙ-аллы күнекмәләр эшләргә, ГТО нормалары тапшырырға әҙерләнергә, физкультура менән шөғөлләнергә мөмкинлек аса. Видеокүҙәтеү ҙә ҡуйылған, – ти район хакимиәтенең физик культура, спорт һәм туризм буйынса баш белгесе Марат Ханнанов.

Спорт майҙансығы “Демография” милли проектының “Спорт – тормош рәүеше” федераль программаһы буйынса төҙөлә.

Фото – Мәсетле районы хакимиәтенең мәғлүмәт-аналитика бүлеге.