Сираттар ҡыҫҡарыр

Өфөлә биш шәхси балалар баҡсаһы субсидия рәүешендә грант алды. Гранттарҙың суммаһы 36 миллион һум тәшкил итә. Һөҙөмтәлә 290 өҫтәмә урын булдырылыуы көтөлә.

#миллипроект #национальныепроекты #нацпроекты #нацпроектыБашкортостан

Грант алған балалар баҡсалары:

- Шәхси эшҡыуар Ғәбиҙуллина Л.И. (36 урын, 4,4 миллион һум);

- Шәхси эшҡыуар Хренова Д.С. (120 урын, 14,8 миллион һум);

- Шәхси эшҡыуар Мәхмүтова Ф.Н. (60 урын, 7,4 миллион һум);

- “Гений” ЯСЙ (42 урын, 5,18 миллион һум);

- “МФДЦ” ЯСЙ (32 урын, 3,9 миллион һум).

Грант аҡсалары уҡыу, тәрбиә әсбаптары, тәрбиә саралары менән тәьмин итеүгә, белгестәрҙең квалификацияһын күтәреүгә тотоноласаҡ, тип хәбәр итә Өфө ҡалаһы хакимиәтенең матбуғат хеҙмәте.

Гранттар “Демография” милли проектының “Мәшғүллеккә булышлыҡ” төбәк проектын тормошҡа ашырыу сиктәрендә бүленә.

Фото – Өфө ҡалаһы хакимиәтенең матбуғат хеҙмәте.