Иркен, яҡты

Ауырғазы районында бер юлы ике фельдшер-акушер пункты асылды.  Балыҡлыкүл һәм Мәнеү ауылдарында йәшәүселәр был көндө көтөп алды.

#миллипроект #национальныепроекты #нацпроекты #нацпроектыБашкортостан

Яңы ФАП-тар Балыҡлыкүлдә – 470, Мәнеүҙә 321 кешене хеҙмәтләндерә. Зәлиә Иҙрисова менән Нина Афанасьева – тәжрибәле фельдшерҙар, медицина ярҙамын уңайлы шарттарҙа күрһәтеү мөмкинлегенә ҡыуаныстарын йәшермәйҙәр, тип хәбәр итә Ауырғазы районы хакимиәтенең мәғлүмәт-аналитика бүлеге.

Медицина учреждениелары иркен, яҡты, кәрәкле ҡорамалдар менән йыһазландырылған. Барлыҡ коммуникациялар үткән, йылы һыуы ла бар, уңайлы мебель дә ҡуйылған.

ФАП-тар  “Һаулыҡ һаҡлау” милли проекты сиктәрендә асылған.

Фото – Ауырғазы районы хакимиәтенең мәғлүмәт-аналитика бүлеге.