Оҫталар күҙе менән

Борай районының Ваныш-Алпауыт ауылына Мәскәү, Санкт-Петербург, Өфө, Ҡазан, Ишембай һ.б. ҡалаларҙан рәссамдар йыйылды. Бында II “Танып-Һыу” Бөтә Рәсәй этно-арт симпозиумы үтә.

#миллипроект #национальныепроекты #нацпроекты #нацпроектыБашкортостан

Этно-арт симпозиумды райондың мәҙәниәт һәм йәштәр сәйәсәте идаралығы президенттың мәҙәни башланғыстарға ярҙам фонды һәм район хакимиәте ярҙамында үткәрә.

Сара рәссамдарға Танып йылғаһы буйында йәшәгән халыҡтарҙың мәҙәниәтен күрһәтергә, ә был ерҙәрҙә йәшәгәндәргә милләтенә, ғөрөф-ғәҙәтенә, тыуған яғы матурлығына оҫталар күҙе менән бағырға мөмкинлек бирә. Проект йәштәргә эстетик һәм художество тәрбиә биреүгә ҙур өлөш индерер, тип ышанабыҙ, тип хәбәр итә Борай районы хакимиәтенең мәғлүмәт-аналитика бүлеге.

Сара “Мәҙәниәт” милли проекты сиктәрендә ойошторола.

Фото – Борай районы хакимиәтенең мәғлүмәт-аналитика бүлеге.