Өфөлә ниндәй йәмәғәт урындары төҙөкләндерелә?

2023 йылда төҙөкләндереү өсөн объекттар һайлау буйынса Бөтә Рәсәй онлайн тауыш биреү 30 майға тиклем бара. https://2.gorodsreda.ru/ платформаһында барған тауыш биреүҙә 14 йәштән өлкән һәр кем ҡатнаша ала.

#миллипроект #национальныепроекты #нацпроекты #нацпроектыБашкортостан

Өфөлә түбәндә һанап үтелгән урындар өсөн тауыш бирергә мөмкин:

• Ҡариҙел йылғаһы буйы;
• Архитектура, Маяковский, Калинин урамдары һәм тыҡрыҡ араһындағы йәмәғәт урыны;
• Вологодская, Коммунарҙар урамдары, тыҡрыҡ һәм Вологодская, 77, Коммунарҙар, 67 йорттары араһындағы биләмә;
• Башҡортостан урмансылары исемендәге урман паркы;
• 112-се Башҡорт кавалерия дивизияһы скверы;
• “Орион” балалар һәм йәштәр ижады һарайы скверы;
• Бәләкәй Урман заводы, Рига урамдары, тыҡрыҡ менән уратылған биләмә;
• Аксаков исемендәге баҡса һәм эргәһендәге биләмә;
• Альбанов исемендәге сквер;
• Баландин бульвары.

Был объекттар тураһында мәғлүмәттәр менән https://disk.yandex.ru/d/zm_RANlvYfEd3w  һылтанмаһы буйынса танышырға була, тип хәбәр итә  Өфө ҡалаһы хакимиәтенең матбуғат хеҙмәте.

Бөтә Рәсәй онлайн тауыш биреү “Торлаҡ һәм ҡала мөхите” милли проектының “Уңайлы ҡала мөхите булдырыу” федераль проекты сиктәрендә бара.

Фото – Өфө ҡалаһы хакимиәтенең матбуғат хеҙмәте.