Салауат ҡалаһында урынлашҡан “Алтын-плюс” ойошмаһы етәксеһе Радик Дауытов ваҡытын әрәм итергә яратмай. Һәр көнгә яҡты өмөттәр менән аяҡ баҫып, үҙ эшен еренә еткереп йәшәүҙән йәм таба ул.
#миллипроект #нацпроект #национальныепроектыБашкортостан
Ойошма төҙөлөш, электромонтаж, штукатур, ағас эштәре менән шөғөлләнә. Ҡыйыҡ ябыу, иҙән түшәүгә лә тотоналар. Кәрәкле техникалары, ҡорамалдары ла етерлек.
Шулай уҡ Радик машиналар йүнәтеү менән дә шөғөлләнә. Ҡаланың бизнес-шерифы Урал Мағизов уны тап ошонда тап иткән. Йүнсел үҙенең идеялары менән уртаҡлашҡан. Ә бизнес-шериф эшҡыуарға бәләкәй һәм урта бизнесҡа дәүләт ярҙамы күрһәтеү тураһында һөйләгән. “Мин үҙ сиратымда “Бәләкәй һәм урта эшҡыуарлыҡ һәм эшҡыуарлыҡ башланғысына булышлыҡ” милли проектын тормошҡа ашырыу сиктәрендә бизнес-идеяларҙы һәм проекттарҙы тормошҡа ашырыуҙа кәрәкле ярҙамды күрһәтермен”, – ти ул.
Фото – Салауат ҡалаһы хакимиәте.