Борай районынан Булат Ғабдуллин 2021 йылда “Агростартап” конкурсында ҡатнаша һәм, бизнес-проектын уңышлы яҡлап, өс миллион һум дәүләт ярҙамы ала.
#миллипроект #нацпроект #национальныепроектыБашкортостан
Йүнсел был аҡсаға Беларус тракторы, 22 баш симментал тоҡомло тана һатып ала. Бөгөн Булат Ғабдуллиндың фермер хужалығында 150-нән ашыу баш эре мөгөҙлө мал иҫәпләнә, тип хәбәр итә Борай районы хакимиәтенең мәғлүмәт-аналитика бүлеге.
“Ауыл хужалығы министрлығына бындай мөмкинлек өсөн бик рәхмәтлемен. Грант алыу фермер хужалығын үҫтереүҙә ҙур ярҙам булды”, – ти эшҡыуар.
“Бәләкәй һәм урта эшҡыуарлыҡ һәм эшҡыуарлыҡ башланғысына булышлыҡ” милли проекты сиктәрендә тормошҡа ашырылған “Агростартап” дәүләт программаһы ауыл хужалығы өлкәһендә эшләгән эшҡыуарҙарға биш миллион һумға тиклем грант алырға мөмкинлек бирә.
Фото – Борай районы хакимиәтенең мәғлүмәт-аналитика бүлеге.