Түҙемһеҙләнеп көтәләр

Благовар районы үҙәгендә йәйәүлеләр өсөн ял итеү урынын төҙөкләндереү эштәре башланды.

#миллипроект #нацпроект #национальныепроектыБашкортостан

Йәмәғәт урынын төҙөкләндереү өсөн район кешеләре тауыш биреп, ике объект араһынан тап ошо урынды һайланы, тип хәбәр итә Благовар районы хакимиәтенең мәғлүмәт-аналитика бүлеге.

Подряд ойошмаһы биләмәне әҙерләүгә тотондо. Бында йәйәүлеләр өсөн аллея, юл хәрәкәте ҡағиҙәләрен өйрәнеү өсөн балалар автоҡаласығы, пассажирҙарҙы транспортҡа ултыртыу майҙансығы ҡаралған.

Благоварҙар районда буласаҡ матур үҙгәрештәрҙе түҙемһеҙләнеп көтә.

Төҙөкләндереү эштәре “Торлаҡ һәм ҡала мөхите” милли проектының “Уңайлы ҡала мөхите булдырыу” программаһы сиктәрендә башҡарыла.

Фото – Благовар районы хакимиәтенең мәғлүмәт-аналитика бүлеге.