Еңеүҙәр теләйбеҙ!

Октябрьский ҡалаһында грек-рим көрәше буйынса Рәсәй беренселеге бара.

#миллипроект #нацпроект #национальныепроектыБашкортостан

14 – 18 мартта үткән Рәсәй беренселеге “Демография” милли проектының “Спорт – йәшәү рәүеше” проекты сиктәрендә ойошторола, тип хәбәр итә Октябрьский ҡалаһы хакимиәтенең мәғлүмәт-аналитика бүлеге.

Спортсыларҙы Башҡортостандың спорт министры урынбаҫары Сергей Алопин, хакимиәт башлығы вазифаһын башҡарыусы Михаил Черкашнев, Европа чемпионы, донъя чемпионаты көмөш призеры, Донъя кубогы яулаусы, ике тапҡыр СССР чемпионы, СССР-ҙың атҡаҙанған спорт мастеры Абдул-Басир Батталов, ярыштың баш судьяһы, халыҡ-ара категориялы судья, ике тапҡыр Олимпия чемпионы, Рәсәйҙең атҡаҙанған спорт мастеры, Рәсәйҙең атҡаҙанған тренеры, биш тапҡыр Донъя чемпионы, өс тапҡыр Европа чемпионы Валерий Резанцев , Олимпия чемпионы, Донъя чемпионы, алты тапҡыр Европа чемпионы Алексей Мишин тәбрикләне.

Ярыштарҙа илдең 60 төбәгенән 455 көрәшсе ҡатнаша.

Фото – Октябрьский ҡалаһы хакимиәтенең мәғлүмәт-аналитика бүлеге.