Йүнселдәргә – дәүләт ярҙамы

Дүртөйлө районы эшҡыуары роман тоҡомло һарыҡ үрсетергә йыйына.

#миллипроект #нацпроект #национальныепроектыБашкортостан

Йүнсел “Эшҡыуарлыҡ сәғәте”ндә  район хакимиәтенә бизнес-планын тәҡдим итте, тип хәбәр итә Дүртөйлө районы хакимиәтенең мәғлүмәт-аналитика бүлеге.

 “Һарыҡ ите ҙур һорау менән файҙалана, бигерәк тә Ҡорбан байрамдарында ул – үтемле тауар. 20 баш һарыҡ алырға планлаштырабыҙ. Башта тормош иптәшем менән эшләргә, артабан эшсе ҡушырға уйлайбыҙ. Дәүләттән финанс ярҙамды һарыҡ, уларға аҙыҡ алыу һәм бина төҙөү өсөн тотонорға ниәтләйбеҙ”, – тип һөйләй буласаҡ эшҡыуар.

Район хакимиәте башлығы эшҡыуарҙың идеяһын хупланы. Тиҙҙән күп балалы ғаилә дәүләт ярҙамы алыр һәм үҙ эшен асыр.

“Бәләкәй һәм урта эшҡыуарлыҡ һәм эшҡыуарлыҡ башланғысына булышлыҡ” милли проекты сиктәрендә ойошторолған “Эшҡыуарлыҡ сәғәте”ндә һәр кем ҡатнаша ала. Бының өсөн https://investrb.ru/ru/  һылтанмаһы буйынса Башҡортостан Республикаһының Инвестиция порталында ғариза ҡалдырырға йәки район хакимиәтенә мөрөжәғәт итергә кәрәк.

Фото –  Дүртөйлө районы хакимиәтенең мәғлүмәт-аналитика бүлеге.