Башҡорт әкиәте – белорус телендә

Иглин районы Балтика ауылы мәҙәниәт хеҙмәткәрҙәре “Ай ҡыҙы Зөһрә” әкиәтен белорус теленә тәржемә иткән.

#миллипроект #нацпроект #национальныепроектыБашкортостан

Китапханасы Надежды Свистун менән Белорус тарихи-мәҙәни үҙәге етәксеһе  Жанна Хализованың эшен социаль селтәрҙәрҙә ҡарарға мөмкин.

Әкиәт “Мәҙәниәт” милли проектын популярлаштырыу маҡсатында тәржемә ителде, тип хәбәр итә Иглин районы хакимиәтенең мәғлүмәт-аналитика бүлеге.

Иглин район китапханаһы филиалы – Балтика ауыл модель китапханаһы был әкиәт менән Рәсәй халыҡтарының мәҙәни мираҫы йылы айҡанлы иғлан ителгән “Халҡымдың рухи байлығы” Бөтә Рәсәй конкурсында ҡатнаша.

– Әкиәтте башҡортсанан – руссаға, шунан белорус теленә тәржемә иттек. Мультфильмды балалар ҙа, ололар ҙа ҡарар һәм белорус теленең матурлығын күрер, башҡорт әкиәтенең аҡылын аңлар, тип өмөт итәм, – ти китапханасы.

Фото – Иглин районы хакимиәтенең мәғлүмәт-аналитика бүлеге.