Яңы ойошмалар йәлеп ителә

2022 йылда Башҡортостанда 140 предприятиеның “Хеҙмәт етештереүсәнлеге” милли проектында ҡатнашыуы көтөлә.

#миллипроект #национальныепроекты #нацпроекты #нацпроектыБашкортостан

Был хаҡта БР Иҡтисади үҫеш һәм инвестиция сәйәсәте министрлығының матбуғат хеҙмәте хәбәр итә.

– “Хеҙмәт етештереүсәнлеге” милли проекты Республика Хөкүмәте өсөн төп өҫтөнлөктәрҙең береһе булып тора. Әле унда ҡатнашҡан предприятиелар һаны буйынса беҙ 2021 йылға ҡуйылған планды 40 процентҡа арттырып үтәгәнбеҙ. 2022 йылда был проектҡа 140 предприятиены йәлеп итергә теләйбеҙ, – ти  БР Хөкүсәте Премьер-министрының беренсе урынбаҫары – Башҡортостандың иҡтисади үҫеш һәм инвестиция сәйәсәте министры Рөстәм Моратов.

Проект хаҡында тулыраҡ мәғлүмәтте ошо һылтанма буйынса белергә мөмкин: производительность.рф.