Туймазыла – ике ФАП

 Алексеевка һәм Йәрмөхәмәт ауылдарында  модулле фельдшер-акушер пункттары ҡуйылды.

#миллипроект #нацпроект #национальныепроектыБашкортостан

 ФАП-тар “Һаулыҡ һаҡлау” милли проектын һәм Һаулыҡ һаҡлауҙың беренсел звеноһын яңыртыу программаһын тормошҡа ашырыу маҡсатында төҙөлә, тип хәбәр итә БР Һаулыҡ һаулау министрлығының матбуғат хеҙмәте.

Алексеевкала ошо ауыл һәм Имәнкүпер ауылы халҡы хеҙмәтләндерелә. Уларға барыһы 167 кеше инә.

Йәрмөхәмәттәге ФАП Ҡаранйылға, Бәләкәй Ҡаранйылға, Йәрмөхәмәт ауылдары халҡын ҡабул итә. 515 кешенең 75-е – 18 йәшкә тиклем балалар.

– ФАП-тар заман талаптары буйынса төҙөлә, уңайлы шарттар булдырыла, – ти Туймазы үҙәк район дауаханаһының баш врачы Зәбир Ғиздәтуллин.

Фото – БР Һаулыҡ һаулау министрлығының матбуғат хеҙмәте.