Виртуаль видеоэнциклопедия барлыҡҡа килә

Республиканың район һәм ҡалаларындағы модель китапханалар “Минең Башҡортостаным” тип аталған виртуаль видеоэнциклопедия өҫтөндә эшләй.

#миллипроект #национальныепроекты #нацпроекты #нацпроектыБашкортостан

Виртуаль видеоэнциклопедия ете тематик йүнәлештәге видеояҙмаларҙан торасаҡ. Башҡортостан яҙыусылары һәм шағирҙары, ғаилә традициялары, Башҡортостандың милли ризыҡтары, тыуған яҡ тәбиғәте, Башҡортостан рәссамдары, Башҡортостандың милли костюм элементтары, Башҡортостан халыҡтары балалары өсөн халыҡ уйындары темалары киң яҡтыртыласаҡ, тип белдерә БР Мәҙәниәт министрлығының матбуғат хеҙмәте.

Башҡортостанда “Мәҙәниәт” милли проекты сиктәрендә булдырылған ете заманса китапхана проекттың кураторы итеп тәғәйенләнде.

Фото – БР Мәҙәниәт министрлығының матбуғат хеҙмәте.