Һаҡсыл етештереүгә ынтылалар

“Хеҙмәт етештереүсәнлеге” милли проектына ингән предприятиелар һаны артты. Уларға нефть һәм газ етештереү өлкәһендә эшләгән предприятиелар өсөн ҡоролмалар етештергән “Уралтехсистемы” ойошмаһы ҡушылды.

#миллипроект #национальныепроекты #нацпроекты #нацпроектыБашкортостан

Был хаҡта БР Иҡтисади үҫеш һәм инвестиция сәйәсәте министрлығының матбуғат хеҙмәте хәбәр итә.

– Милли проектта ҡатнашыу хеҙмәткәрҙәр өсөн эш шарттарын яҡшыртырға, һөҙөмтәлә етештереүҙе арттырырға булышлыҡ итә. Ҡатнашыусылар тәжрибәһенә анализ яһап, шуны әйтергә була: милли проект сиктәрендә һаҡсыл инструменттарҙы ҡулланып, өҫтәмә сығымдарһыҙ эш һөҙөмтәһен күтәрергә һәм етештерелгән тауарҙың үҙхаҡын кәметергә мөмкин, – ти БР иҡтисади үҫеш һәм инвестиция сәйәсәте министрының беренсе урынбаҫары Айрат Фәхретдинов.

“Хеҙмәт етештереүсәнлеге” милли проекты хаҡында күберәк өйрәнеп, ғариза бирер өсөн производительность.рф порталына мөрәжәғәт итергә мөмкин.