Ҡымыҙ бешергә теләйҙәр

Хәйбулла районы хакимиәтендә “Эшҡыуарлыҡ сәғәте” кәңәшмәһендә Аҡназар ауылынан Гөлфиә Ғәлләметдинова тәҡдим иткән проект ҡаралды. Ул ҡымыҙ бешергә теләк белдерә.

#миллипроект #национальныепроекты #нацпроекты #нацпроектыБашкортостан

Хәйбулла районы хакимиәтенең мәғлүмәт-аналитика бүлеге хәбәр итеүенсә, проект БР Ауыл хужалығы министрлығының “Агростартап” гранты алыуға конкурсҡа ебәрелде.

Проект буйынса инвестициялар күләме өс миллион һум тәшкил итер, тип күҙаллана. Грант аҡсаһын ҡоролмалар һәм аттар алыуға тотонорға планлаштыралар.

Фото – Хәйбулла районы хакимиәтенең мәғлүмәт-аналитика бүлеге.