Алһыу Хамматова. ОЛАТАЙҘЫҢ АЛТЫН ТАЯУЫ БУЛДЫ

Һәр уңышлы ир-егет артында уны яратҡан ҡатын тора, тиҙәр. Был, ғәҙәттә, артыҡ күҙгә ташланмаған, әммә уның мөнәсәбәте күп нәмәне хәл иткән гүзәл заттар хаҡында әйтелә. «Мине аңлаған берҙән-бер кеше – ҡатыным. Бар уйҙарым менән уртаҡлашам, унан бер ниндәй ҙә серем юҡ. Иң аҡыллы кәңәшсем. Ҡайhы саҡ, унhыҙ яҙыусы ла була алмаҫ инем, тип уйлап ҡуям. Ҡатыным – минең намыҫым», – тип яҙа Яныбай Хамматов хәләл ефете хаҡында.