«Бөгөнмө, иртәгәме китербеҙ тип торабыҙ...»

Йәһүҙә Әбделғәзе улы Мәмбәтов 1896 йылда тыуған. 1937 – 1942 йылдарҙа Түбә мәғдән сығарыу ойошмаһының Семеновск бүлексәһендә эшләй. 1942 йылдың 12 ғинуарында һуғышҡа алына һәм шул уҡ йылдың июль айында хәбәрһеҙ юғала. Уның төрлө телдә кириллица һәм латин графикаһында яҙылған өс хаты Сибай ҡалаһының тарихты һәм тыуған яҡты өйрәнеү музейы фондында һаҡлана. Яҙыу белмәү сәбәпле, яугир хаттарҙы яуҙаш иптәштәренән яҙҙыртҡан.