Яугирҙең һөйгәненә хаты

Ут-һыуҙан үткәреп һөйөүҙе,

Балҡырмын йылмайып мин көлдән.

Ҡалҡаның булырға ҡайтырмын,

Гөлләмә алырмын һиңә тип.

Башымды эйермен алдыңда –

Мөхәббәт, сабырлыҡ еңә тик.

Көткәнгә ышанып, һағынып,

Мин тере сығырмын ут-һыуҙан.

Һин бит ул – мин тиеп йәш түккән,

Мин юҡта борсолоп, юҡһынған.

Вәғәҙә!

Ир һүҙе!

Ҡайтырмын!

Еңелеп ҡалмаҫмын был юлда,

Һөйөүең һәм һинең ышаныс –

Ҡеүәтле бер ҡорал ҡулымда!

«Дипломант» ҡушаматлы яугир