Ҡыяр тиҙ өлгөрһөн тиһәң...

Октябрьский ҡалаһында йәшәүсе оҫта баҡсасы Тәнзилә Ғарипова теплицала ултыртылған үҫентеләрҙән мул уңыш алыу серҙәрен белә. Уның кәңәштәре майҙа уҡ тәмле йәшелсәләр менән һыйланырға ярҙам итер.

Теплицаға ҡасан һәм нисә помидор, ҡыяр ултыртыу мәсьәләһе менән күптәр ҡыҙыҡһына. "Помидор ултыртыуға нисек әҙерләнгәнемде күрһәтәйем. Мин помидор өсөн 26 соҡор, ҡыяр өсөн 8 соҡор әҙерләйем. Һәр соҡорға 0,5 биҙрә тиреҫ, бер аш ҡалағы ОМУ ашламаһы һәм балыҡ оно һалам. Йәш үҫентеләрҙе төнгө һыуыҡтарҙан һаҡлау өсөн дуғалар ҡуйҙыҡ, 2 ҡатлы япма менән уларҙы ҡапланыҡ. Ҡыяр теплицаһында ҡыяр ултыртыу өсөн 20 соҡор, ҡауын өсөн 8 соҡор эшләнем. Май урталарында, ғәҙәттә, тәмле ҡыяр ашай башлайбыҙ", – тип Тәнзилә апай ихлас кәңәштәре менән бүлешә.

Ә һеҙ нимәләр ултырттығыҙ? Йәш баҡсасыларға ниндәй кәңәш бирер инегеҙ?

Фото авторҙың социаль селтәрҙәге сәхифәһенән алынды.

Автор:

Читайте нас: