КОНКУРС-2025! (ЖУРНАЛИСТАР ИҒТИБАРЫНА)

Хөрмәтле журнал уҡыусыларыбыҙ! Рәсәй Президенты Владимир Путин 2025 йылды Ватанды һаҡлаусылар йылы тип иғлан итте. Быйыл илебеҙ мөһим датаны – Бөйөк Еңеүгә 80 йыл тулыуҙы билдәләй. Миллионлаған ҡорбан, әсе күҙ йәштәре аша яулап алынған Еңеү – халҡыбыҙҙың мәңгелек яраһы ла, онотолмаҫ доғаһы ла ул. Шул уңайҙан «Башҡортостан ҡыҙы» журналы «Мәңге яна хәтер уты» исемле өр-яңы бәйге иғлан итә. Илебеҙҙә һуғыш еле ҡағылмаған бер ғаилә лә юҡ. Һеҙҙән атай-олатайҙарығыҙҙың яу батырлығы, әсәй-өләсәйҙәрегеҙҙең тылдағы ҡаһарман хеҙмәте, тормоштарындағы тетрәндергес ваҡиғалар хаҡында бай йөкмәткеле, эстәлекле мәҡәләләр көтәбеҙ!

Журналыбыҙ иғлан иткән тағы бер конкурс халҡыбыҙҙың бөгөнгө ҡаһарманлығына, батырлығына һәм сыҙамлығына арнала. Еңеүгә ышанған һәм ошо оло һәм дөйөм эшкә үҙ өлөшөн индергән, ҡатнашҡан, фиҙаҡәрлек күрһәткән һәр кемде «Еңеү юлында» тигән бәйгегә ҡушылырға саҡырабыҙ! Конкурс тематикаһына ярашлы, илебеҙҙәге патриотик рухты сағылдырған һәм халҡыбыҙҙың яугирҙәренә ысын ярҙамын күрһәткән ижади эштәр ҡабул ителә. Мәҡәлә үҙенсәлекле булһа һәм ваҡиғалар ентекле бәйән ителһә ине.

Һәр эшкә автор тураһында ҡыҫҡа мәғлүмәт (исем-шәрифен, йәшәү урынын, бәйләнеш өсөн телефонын) ҡушып яҙығыҙ.

Мәҡәләләр декабргәсә ҡабул ителә, уларҙы электрон почтаға, социаль селтәр аша йәки почта адресы буйынса ебәрә алаһығыҙ.

Иң яҡшы эштәр «Башҡортостан ҡыҙы» журналында баҫыла һәм социаль селтәрҙәргә ҡуйыласаҡ, шулай уҡ ҡиммәтле бүләктәр менән билдәләнәсәк!

Автор:Роза Хуснуллина

Читайте нас

Партнеры